Finalmein savein puspei far nossas sentupadas. Gliendisdis rapporta Placi Degonda sur da siu patrun "la Crusch Cotschna". Suenter la fundaziun haveva quella instituziun aunc num „Hilfsverein für schweizerische Wehrmänner und deren Familien“. Mondel da quei anora che buca mo il num ei semidaus en quels varga 150 onns.....

Igl onn 2020 ei stau per ils biars in onn tut spezial che vegn a restar a nus aunc ditg en memoria. Tgi havess detg l'entschatta d'igl onn che nossa proxima sentupada seigi il settember? Ils davos meins ein buca stai adina aschi sempels e segir fa il Corona a nus aunc el futur panzieris. Lein sperar che nus tuts sappian era ord quei temps da crisa prender o enzatgei positiv: per nus, per il concarstgaun e per la societad.  

Il giuven orchester plein motivaziun vid la lavur!

Ils 3 da november 2018 han entgins commembers (e commembra Lydia) gidau davos las culissas d'igl orchester Acorda a Sagogn. Speronza ha la buna cuschina era gidau da gartegiar ils dretgs tuns....

Gest avon in onn havein nus visitau ils amitgs dil Tirol dil Sid. Peter Paul ha mussau a nus sia regiun e menau nus atras uauls e sin sendas e siadora en loghens cun in bellezia panorama. Proxima sentupada viseta el nus ella nova ustria dil Hotel EDEN a Glion (www.eden-ilanz.ch).

Cordial beinvegni a Peter Paul!

La casa da Thomas Nay en Svezia. Suenter 30 onns en Svezia tuorna el a Trun ed aschia siara il rudi da sia veta el liug nativ dad el. Ina interessanta presentaziun dad el, en spezial ils motivs dad i naven, denton era quels da turnar anavos ella patria.

Naven dalla Svizra franzosa a Canada ed auters loghens tochen a Dubai - dapi entgins onns ei il Walter Deplazes e sia dunna secasai ella Val Mulineun (Sumvitg) en la casa da siu tat.

HAPPY DAY

Ils 17 d'uost havein nus (Lydia, Robert, Walter, Geni, Claudio, Sep e Helena) accumpignau 22 affons fugitivs da tuttas naziuns dil Löwenberg Schluein al Cirkus Nock. Igl ei stau in impressiunont di cun quels affons e nus havein giu ualti stregn da tener sut controlla ils pignets, il Claudio ha fatg la foti e maunca aschia sin quella.

VIADI ALPESTER

Ils 20 d'uost ha ei finalmein gartegiau: bial'aura, bunas preparativas da nies commember Sep ed entgins commembers che han anflau il temps da prender la via sut ils peis. Per tals che lessan prender suenter quella tura anflan cheu la ruta sin la carta.

L'excursiun a Meran ei stau in deletg. Il viadi ha menau nus il venderdis tras las nevadas sur il Pass dil Flüela entochen a Meran nua che la temperatura era la sonda 30 grads. Il bi marcau e la regiun ha nies "guid personal" Peter Paul mussau a nus dalla biala vart. Sper la regiun havein astgau guder bunas tratgas ed entgins buns vins.

Engraziel per la cumpignia, engraziel per l'organisaziun entras nossa presidenta Helena! 

Entginas impressiuns:

La sentupada ella neiv ei gartegiada.  Cun bial'aura, uonda neiv e buna luna havein gudiu il di ed entgins aunc la sera tier il Sep . Engraziel alla Helena per l'organisaziun ed il Sep per la buna marenda.

Engraziel per Vossa viseta el Cinema sil Plaz a Glion. Ei fa a nus grond plascher che omisduas producziuns ein stadas vendidas ora en cuort temps. Aschia savein nus -cun vies sustegn- era dar vinavon in bi importo alla Casa Depuoz ed a Kipaki.

Besten Dank für Ihr Besuch und für Ihre Unterstützung. Gerne übergeben wir die Einnahmen auch in Namen der Besucher an die Casa Depuoz und an Kipaki.

Beinvegni entras nossa presidenta Helena:

.......entginas impressiuns ord il Cinema sil Plaz, ils 20 da november 2016

La Quotidiana, 1-12-2016

DAPLI SUR DA QUEI INTERESSANT PROJECT

anflas cheu >>>>

ED ASCHIA VESA EI ORA DA CLAR SI "ALP GLIVERS"

........il film anflas cheu >>>>