Il club da Kiwanis Surselva ei vegnius fundaus igl atun 2001 e la fiasta da charter ha giu liug ils 13 d'avrel 2002 a Breil. Nos clubs padrinadis ein ils clubs da Kiwanis Flem e Meran.

Sin il giubileum da 5 onns essan nus stai ad Arosa e visitau il "Humorfestival Arosa". Gia il viadi cun la Viafier Retica da Cuera ad Arosa ei stada ina speziala caussa, ed ina buna tscheina suenter la viseta ella tenda ad Arosa essan turnai cun bunas regurdientschas ella Surselva.

Era cun 10 onns havein nus festivau, quella ga cun ina excursiun. Dumengia, ils 30.10.2012 ein sur 30 persunas semessas sin viadi encunter il pass dil Lémbra, nua che nus havein - da bellezia aura ed en fetg amicabla cumpignia - festivau elle tégia dil Biferten (Bifertenhütte) in grondius puschégn. Ils propi fits han naturalmein aunc priu il Muot da Rubi sut ils peis e gudiu leu ina grondiusa culissa. La fin ei nossa fiasta da giubileum ida a Breil tier ina marenda ella Casa Fausta Capaul.

Quei bi viadi da giubileum en nos bellazia cuolms indigens vegn a restar a tuts en buna memoria. Cun el havein terminau igl emprem decenni ella historia da nies aunc giuven club, ed il secund ha entschiet! Nus essan plein speronza e fidonza ch'era quel porti a nus cletg, ventira e bien prosperar.