ELiMINATE - tgei munta quei?

Mintga nov minutas miera in affon sin quest mund entras il tetanus. Kiwanis Inernational en cooperaziun cun UNICEF han lantschau il project « ELIMINATE » per regischar ora il tetanus dapertut entochen igl onn 2015. Cunquei san milliuns mummas ed affons aunc buca naschi vegnir salvai dalla mort.

 

Cun in’acziun mundiala ein tut ils clubs da Kiwanis cun lur 600‘000 commembers stai vidlunder da rimnar ils mieds necessaris per virolar tuttas mummas el tierz mund. Pertuccadas ein oz rodund 130 milliuns mummas en rodund 38 tiaras. In immens diember da carstgauns che san buca prestar ina virola adequata. Kiwanis vul gidar da sligiar il problem entras rimnar ils mieds finanzials ch’ei drova da virolar tuttas mummas per salvar aschia lur veta e quella da lur affons aunc buca naschi. Ils disctricts Svizzers da Kiwanis vulan rimnar 1.5 milliuns francs per 1.75 milliuns sprezzas da tetanus. In’ambiziusa finamira che sa mo vegnir contonschida entras biaras donaziuns, era da nossa populaziun.


e tgei fagein nus persuenter?

Il club da Kiwanis Surselva separticipescha naturalmein era als project ELIMINATE. Sias commembras e ses commembers ein stai presents cun in stan al marcau da vinars dils 29 da december 2011 a Glion. In engraziel a tuttas visetas sin nies stan!

 

Cun in concert communabel ella Fermata Falera cun las duas gruppas da cant Krambambuli ed acabellos, omisduas gruppas dalla Surselva, eis ei reussiu da rimnar CHF 16'000.- per quei project. Ina biala summa che nus havein astgau dar cumpletamein vinavon el project ELIMINATE. Cun igl agid da nies Club padrinadadi da Flem eis ei insuma stau pusseivel da realisar quei concert. E secapescha era cun las duas gruppas che han susteniu nus e desistiu dad ina gascha, engraziel fetg persuenter. 


dapli sur da Tetanus cun in click sin la carta


Download
Janes Tagebuch.pdf
Adobe Acrobat Dokument 243.8 KB